काठमाडौं । प्रतिनिधि सभा, सार्वजनिक लेखा समितिले एनसेलको सेयर बिक्रीमा कर छलि भएको आशंका जनाएको छ ।
समितिले आइतबार तीनवटा नियामक निकाय आन्तरिक राजस्व विभाग, नेपाल दूरसञ्चार प्राधिकरण र कम्पनी रजिस्ट्रारको कार्यालयलाई पत्राचार गर्दै एनसेलमा रहेको आजियटा समूहको सेयर खरिद बिक्री वा स्वामित्व हस्तान्तरण भएको सम्बन्धमा प्रश्न खडा गरेको हो ।
समितिले एनसेलको विदेशी होल्डिङ कम्पनीको स्वामित्वमा रहेको कम्पनीको सेयर खरिद–बिक्री वा हक हस्तान्तरण गर्दा कम्पनीले सेवा प्रवाह गरिरहेको मुलुकको कानुनी व्यवस्था परिपालना गर्नुपर्ने, नपर्ने के हो ? भन्दै नौ विषयमा प्रश्न गरेको छ ।
केही दिन अघि मात्र आजियाटाले एनसेलमा रहेको आफनो ८० प्रतिशत सेयर स्पेक्ट्रलाइट युके लिमिटेडलाई ५ करोड अमेरिकी डलरमा बेचेको थियो । आजिआटाले आफू एनसेलमा प्रवेश गर्दा भने सो सेयर १ अर्ब ३६ करोड अमेरिकी डलरमा खरिद गरेको थियो ।
प्रतिक्रिया