१९ अंकले घट्यो सेयर बजार, ४ अर्ब २१ करोडको कारोबार

काठमाडौँ । बिहिबार सेयर बजार परिसूचक नेप्से १९.८९ अंकले घटेर दुई हजार ०६९.५३ विन्दुमा पुगेको छ ।

बैंकिङ १९, विकास बैंक ४०, अन्य १३, जीवन बीमा ११५, माइक्रोफाइनान्स ८७, निर्जीवन बीमा ११४, होटल तथा पर्यटन १३९, र व्यापार उपसमूह ९ अंकले घटेको छ । त्यस्तै, हाइड्रोपावर १२, उत्पादन ८२ र फाइनान्स उपसमूह ३ अंकले बढेको छ ।

आज सबैभन्दा धेरै पोखरा फाइनान्सको सेयर १० प्रतिशतले घटेको छ । समग्रमा बजार घटे पनि आज नेपाल फाइनान्स, अपर लोहोरे खोला हाइड्रोपावर र भगवती हाइड्रोपावर कम्पनीको सेयर १० प्रतिशतले बढेको छ ।

यस दिन ३११ कम्पनीको ९८ लाख कित्ता सेयर ४ अर्ब २१ करोडमा कारोबार भएको छ ।