झिनो अंकले घट्यो सेयर बजार, ४ अर्ब ३८ करोडको कारोबार

काठमाडौँ । बिहिबार सेयर बजार परिसूचक नेप्से १.९३ अंकले घटेर दुई हजार ०७७.७८ विन्दुमा पुगेको छ ।

बैंकिङ ७, विकास बैंक २४, जीवन बीमा २९, निर्जीवन बीमा ४०, अन्य २, फाइनान्स ४५ र उत्पादन उपसमूह ४२ अंकले घटेको छ । त्यस्तै, होटल तथा पर्यटन ५, हाइड्रोपावर २०, माइक्रोफाइनान्स ४२ र व्यापार उपसमूह ५८ हंकले बढेको छ ।

आज सबैभन्दा धेरै माई खोला हाइड्रोपावरको सेयर झण्डै साढे ६ प्रतिशतले घटेको छ । समग्रमा बजार घटेपनि आज इमर्जीङ नेपाल र मीड सोलु हाइड्रोपावरको सेयर १० प्रतिशतले बढेको छ ।

यस दिन ३२२ कम्पनीको ८८ लाख कित्ता सेयर ४ अर्ब ३८ करोडमा कारोबार भएको छ ।