काठमाडौँ । बिहिबार सेयर बजार परिसूचक नेप्से ९.३२ अंकले घटेर दुई हजार ११२.२९ विन्दुमा पुगेको छ ।
बैंकिङ ४, होटल तथा पर्यटन ८, हाइड्रोपावर १५, जीवन बीमा ५२, उत्पादन ६९, माइक्रोफाइनान्स १८, निर्जीवन बीमा ८८, अन्य १३ र व्यापार उपसमूह ३० अंकले घटेको छ । त्यस्तै, विकास बैंक ५३ र फाइनान्स उयसमूह ४५ अंकले बढेको छ ।
आज सबैभन्दा धेरै मिड सोलु हाइड्रोपावरको सेयर १० प्रतिशतले घटेको छ । समग्रमा बजार घटेपनि आज समृद्धि फाइनान्स कम्पनी, कुथेली बुखरी स्मल हाइड्रोपावर र साधना लघुवित्तको सेयर १० प्रतिशतले बढेको छ ।
यस दिन ३१३ कम्पनीको एक करोड ४२ लाख कित्ता सेयर ६ अर्ब ४४ करोडमा कारोबार भएको छ ।
प्रतिक्रिया