२१ अंकले बढ्यो सेयर बजार, ६ अर्बको कारोबार

काठमाडौँ । आइतबार सेयर बजार परिसूचक नेप्से २१.२७ अंकले बढेर दुई हजार १४०.९७ विन्दुमा पुगेको छ ।

बैंकिङ ८, होटल तथा पर्यटन १६०, हाइड्रोपावर ०.३४, जीवन बीमा १५६, निर्जीवन बीमा १४१, अन्य ३६, उत्पादन ७५ र माइक्रोफाइनान्स उपसमूह ६६ अंकले बढेको छ । त्यस्तै, आज विकास बैंक १०, फाइनान्स ५३ र व्यापार उपसमूह ६९ अंकले घटेको छ ।

आज सीइडीबी हाइड्रोपावर डेभलपमेन्ट कम्पनीको सेयर सबैभन्दा धेरै ५ प्रतिशतले बढेको छ । समग्रमा बजार बढेपनि आज मैलुङ खोला जलविद्युत कम्पनीको सेयर १० प्रतिशतले घटेको छ ।

यस दिन ३२५ कम्पनीको एक करोड ४० लाख कित्ता सेयर ६ अर्बको कारोबार भएको छ ।