२३ अंकले बढेको सेयर बजारमा ५ अर्ब ७४ करोडको कारोबार

काठमाडौँ । बुधबार सेयर बजार परिसूचक नेप्से २३.२५अंकले बढेर दुई हजार १७५.४० विन्दुमा पुगेको छ ।

बैंकिङ १९, हाइड्रोपावर २८, जीवन बीमा ७९, निर्जीवन बीमा १४१, अन्य ८, माइक्रोफाइनान्स ७३, होटल तथा पर्यटन ५२, उत्पादन ३९, व्यापार २ र फाइनान्स उपसमूह २९ अंकले बढेको छ । त्यस्तै, आज विकास बैंक उपसमूह १३ अंकले घटेको छ ।

आज एसबिएल डीबेन्चर २०८३ र बलेफि हाइड्रोपावरको सेयर सबैभन्दा धेरै १० प्रतिशतले बढेको छ । समग्रमा बजार बढेपनि आज बुद्धभुमी नेपाल हाइड्रोको सेयर १० प्रतिशतले घटेको
छ ।

यस दिन ३२२ कम्पनीको एक करोड ५२ लाख कित्ता सेयर ५ अर्ब ७४ करोडमा कारोबार भएको छ ।