सेयर बजार ७ अंकले बढ्दा कारोबार भने घट्यो

काठमाडौं । मंगलबार सेयर बजार परिसूचक नेप्से ७.१३ अंकले बढेर दुई हजार ७६५.८८ विन्दुमा पुगेको छ ।



आज बैंकिङ ०.३५, होटल तथा पर्यटन ३, जीवन बीमा १११,
उत्पादन १३ र अन्य उपसमूह ६९ अंकले बढेको छ । त्यस्तै, विकास बैंक ७, निर्जीवन बीमा ३६, फाइनान्स २०, हाइड्रोपावर ०.०६, माइक्रोफाइनान्स ८ र व्यापार उपसमूह १०९ अंकले घटेको छ ।




आज गार्डियन माइक्रोलाइफको सेयर सबैभन्दा धेरै १० प्रतिशतले बढेको छ । समग्रमा बजार बढे पनि आज विन नेपाल लघुवित्तको सेयर झण्ढै ९ प्रतिशतले घटेको छ ।





यस दिन ३१२ कम्पनीको एक करोड ७८ लाख कित्ता सेयर ९ अर्ब ९० करोडमा कारोबार भएको छ ।