सेयर बजारमा ३२.२१ अंकको गिरावट, ८ अर्ब ३९ करोडको कारोबार

काठमाडौं । मंगलबार सेयर बजार परिसूचक नेप्से ३२.२१ अंकले घटेर दुई हजार ७१९.२० विन्दुमा पुगेको छ ।



बैंकिङ ९, फाइनान्स ४२, होटल तथा पर्यटन ७५, हाइड्रोपावर ५५, जीवन बीमा १८२, निर्जीवन बीमा १२७, उत्पादन १८६, माइक्रोफाइनान्स ४५, व्यापार ७४ र अन्य उपसमूहको ४१ अंकले घटेको छ ।
त्यस्तै, आज विकास बैंक भने १११ अंकले बढेको छ ।


आज नेष्डो समृद्धि लघुवित्तको सेयर झण्डै ७ प्रतिशतले घटेको छ । समग्रमा बजार घटे पनि आज महालक्ष्मी विकास बैंकको सेयर
९.९८ प्रतिशतले बढेको छ ।


यस दिन ३०३ कम्पनीको एक करोड ५५ लाख कित्ता सेयर ८ अर्ब ३९ करोडमा कारोबार भएको छ ।