सेयर बजारमा १७ अंकको वृद्धि, ८ अर्ब २३ करोडको कारोबार

काठमाडौं । बुधबार सेयर बजार परिसूचक नेप्से १७.२८ अंकले बढेर दुई हजार ७३६.४८ विन्दुमा पुगेको छ ।




बैंकिङ ७, फाइनान्स ०.५५, होटल तथा पर्यटन ४२, हाइड्रोपावर ३१, जीवन बीमा ८९, निर्जीवन बीमा ५१, उत्पादन १३, व्यापार ८ र अन्य उपसमूहको ३७ अंकले बढेको छ ।
त्यस्तै, आज विकास बैंक १९ र माइक्रोफाइनान्स उपसमूह १४ अंकले घटेको छ ।



आज पिपुल्स हाइड्रोको सेयर सबैभन्दा धेरै ९.७९ प्रतिशतले बढेको छ । समग्रमा बजार बढे पनि आज विन नेपाल लघुवित्तको सेयर १० प्रतिशतले घटेको छ ।



यस दिन ३२३ कम्पनीको दुई करोड २९ लाख कित्ता सेयर ८ अर्ब २३ करोडमा कारोबार भएको छ ।