रवि लामिछाने थुनामै रहने: सर्वोच्चद्वारा पत्नी निकिताको बन्दी प्रत्यक्षीकरण रिट खारेज

काठमाडौं । सहकारी ठगी आरोपमा थुनामा रहेका रवि लामिछाने थुनामै रहने भएका छन् ।

सर्वोच्च अदालतले रवि पत्नी निकिताको बन्दी प्रत्यक्षीकरण रिट खारेज गरेसँगै उनी थुनामै रहने भएका हुन् ।

सर्वोच्च अदालतले राष्ट्रिय स्वतन्त्र पार्टीका सभापति एवं गृहमन्त्री रवि लामिछानेलाई थुनामा पठाउने उच्च अदालतको बुटवल इजलासको आदेशलाई सदर गरेको हो ।

न्यायाधीशहरू डा. नहकुल सुवेदी र बालकृष्ण ढकालको इजलासले लामिछानेलाई थुनामुक्त गर्नुपर्ने माग राखी उनकी पत्नी निकिता पौडेलले पेश गरेको बन्दीप्रत्यक्षीकरणको निवेदन खारेज गरेको हो ।

सर्वोच्च अदालतको यो आदेशपछि जिल्ला अदालत रुपन्देहीबाट सुप्रिम सहकारी ठगीको मुद्दा नटुंगिदासम्म रवि थुनामा हुनेछन् ।

जिल्ला अदालतले सफाइ दिएमा मात्रै उनी थुनामुक्त हुनेछन् तर त्यतिबेलासम्म अरु आरोपबाट पनि उनले सफाइ पाएको हुनुपर्नेछ ।