काठमाडौं । अब होटल र रिसोर्टले पनि उद्योगसरह आयकर र विद्युत् महशुल छुट पाउने भएका छन् ।
संघीय संसदको संयुक्त सदनमा बिहीबार बजेट प्रस्तुत गर्दै उपप्रधान तथा अर्थमन्त्री विष्णु पौडेलले यो जानकारी दिएका हुन् ।
उनका अनुसार यो सुविधा सूचना प्रविधिमा आधारित उद्योगले पनि पाउनेछन् ।
“सूचना प्रविधिमा आधारित उद्योग र होटल तथा रिसोर्टलाई विशेष उद्योग सरह आयकर र विद्युत महसुल छुट दिने व्यवस्था मिलाएको छु,” उनले भने ।
पर्यटनतर्फ हवाई वा स्थलमार्गबाट नेपाल प्रवेश गर्ने यात्रुले नेपालमा विनिमय हुने ५ हजार अमेरिकी डलर बराबरको विदेशी मुद्रा वा ट्राभलर्स चेक साथमा ल्याउन पाउने भएका छन् ।
साथै, सो भन्दा बढी भन्सार विन्दुमा घोषणा गरी ल्याउन सक्ने व्यवस्थालाई सहजीकरण गरिने उनले बताए ।
प्रतिक्रिया