स्ट्याण्डर्ड चार्टर्ड नेपालको सीएफओमा विद्या कुमार नियुक्त

काठमाडौं । स्ट्याण्डर्ड चार्टर्ड बैंक नेपालको चिफ फाइनान्स अफिसर (सीएफओ)मा विद्या कुमार नियुक्त भएकी छन् । यसअघि युनाइटेड अरब इमिरेट्सको स्ट्याण्डर्ड चार्टर्ड बैंकमा रिटेल बैंकिङ तथा वेल्थ म्यानेजमेन्टका लागि बिजनेस फाइनान्स पार्टनर रहेकी विद्यालाई नेपालस्थित बैंकको सीएफओमा नियुक्ति दिइएको हो ।

विद्याले सन् १९९८ बाट बैंकिङ करिअर सुरु गरेकी हुन् । आइसीआइसी बैंक इन्डियासहित भारतकै जी मोर्गनमा काम गरेकी विद्यासँग १९ वर्षको अनुभव छ ।

नवनियुक्त सीएएफओसँग फाइनान्स, परफरमेन्स म्यानेजमेन्ट, फाइनान्सियल प्लानिङ, बिजनेस इनफरमेसन म्यानेजमेन्ट, फाइनान्सियल प्लानिङ एन्ड एनालाइसिस, स्ट्राटेजिक फाइनान्सियल एडभाइजरी थ्रु ट्रान्सफरमेसन, बिजनेस इनफरमेसन म्यानेजमेन्ट एन्ड कन्ट्रोललगायतका क्षेत्रको अनुभव रहेको जनाइएको छ ।

विद्या चार्टर्ड एकाउन्टेन्ट हुन् । उनले भारतको इन्स्टिच्युट अफ चार्टर्ड एकाउन्टेन्ट्सबाट कोर्स पूरा गरेकी थिइन् । ्