साताको पहिलो दिन सेयर बजारमा पहिरो, ७२ अंकले घट्यो नेप्से

काठमाडौँ ।

साताको पहिलो दिन आइतबार सेयर बजारमा पहिरो गएको छ ।

आज सबै समूह राताम्मे भएका छन् । नेप्से ७२.३ अंकले घटेर २ हजार ५१३.८८ विन्दूमा झरेको छ ।

आज बैंकिङ ४०.७३, ब्यापार ११८.०३, होटल तथा पर्यटन ८२.५९, विकास बैंक २०३.०१, जलविद्युत ९६.९४, निर्जीवन बीमा २५१.१२, उत्पादन १२४.९२, अन्य ७१.६९, माइक्रोफाइनान्स १३१.५७, जीवन बीमा उपसमूह ३७२.१, फाइनान्स १०८.५४, लगानी २.७ र म्यूचअल फन्ड ०.२३ अंकले घटेका छन् ।

आज २२६ कम्पनीका ८९ लाख कित्ता शेयर ४ अर्ब ९ करोडमा कारोबार भएका छन् ।