सेयर बजारमा दाहोरो अंकको गिरावट, एक अर्बको कारोबार

सोमबार सेयर बजारमा दाहोरो अंकको गिरावट आएको छ । आज सेयर बजार परिसूचक (नेप्से) १५.९४ अंकले घटेर २ हजार ४९७.४७ विन्दुमा पुगेको छ। आज सबै समूह राताम्मे भएका छन् ।

सबैभन्दा धेरै निर्जीवन बीमा समूह १९९.४६ अंकले घटेको छ । बैंकिङ ४.८, विकास बैंक २६.०२, जीवन बीमा १२८.५३, माइक्रोफाइनान्स २१.२४, फाइनान्स १४.२१, उत्पादन १५.२८, लगानी ०.५८, जलविद्युत २४.८, अन्य २०.६, ब्यापार ३२.१९ र होटल तथा पर्यटन १८.८१ अंकले घटेको छ ।

आज दुई सय २६ कम्पनीका ३४ लाख कित्ता सेयर एक अर्ब ५८ करोड रुपैयाँमा कारोबार भएका छन् ।