दोहोरो अंकले बढ्यो सेयर बजार

आइतबार सेयर बजार दोहोरो अंकले वृद्धि भएको छ । नेप्से १७.९५ अंकले बढेर २ हजार २५६.५७विन्दूमा पुगेको छ ।

विकास बैंक १०८, फाइनान्स ५३, होटल तथा पर्यटन ७१, जलविद्युत् ६६, जीवन बीमा ३८, उत्पादन ११, निर्जीवन बीमा ९, अन्य ३५ र ब्यापार उपसमूह ४ अंकले बढेका छन् । यस्तै, बैंकिङ २ र माइक्रोफाइनान्स ० अंकले घटेका छन् ।

आज सबैभन्दा धेरै जालपा लघुवित्तको सेयर १० प्रतिशतले बढेको छ भने उन्नति सहकार्य लघुवित्त कम्पनीको सेयर झन्डै पाँच प्रतिशतले घटेको छ । यस्तै, सबैभन्दा धेरै नागरिक लगानी कोषको सात करोड ५३ लाख रुपैयाँको सेयर किनबेच भएको छ ।

आज कुल दुई सय ३३ वटा कम्पनीका ३३ लाख ४१ हजार कित्ता सेयर एक अर्ब ३२ करोड ६४ लाख रुपैयाँमा कारोबार भएको छ ।