सेयर बजारमा हरियाली, ५६ अंकले बढ्यो नेप्से

साताको चौथो दिन बुधबार पनि सेयर बजारमा हरियाली छाएको छ । आज नेप्से ५६.०६ अङ्कले बढेर दुई हजार ३६९.०६ विन्दुमा पुगेको छ ।

बैंकिङ २३, विकास बैंक १५०, फाइनान्स ७४, होटल तथा पर्यटन ५२, जलविद्युत् १३०, जीवन बीमा २१७, उत्पादन ७०, माइक्रोफाइनान्स १५३, निर्जीवन बीमा २४३, अन्य ३१ र ब्यापार २१ अंकले बढेका छन् ।

यस दिन २२९ वटा कम्पनीका ५३ लाख ३३ हजार कित्ता सेयर २ अर्ब १६ करोड ३९ लाख रुपैयाँमा कारोबार भएको छ । सबैभन्दा धेरै अरुण भ्याली जलविद्युत् आयोजनाको १० करोड ५९ लाख रुपैयाँको सेयर किनबेच भयो ।