बुधबार सेयर बजार सामान्य अंकले उकालो लागेको छ । नेप्से ८.९ अंकले बढेर २ हजार २२७.४२ विन्दूमा पुगेको छ ।
आज फाइनान्स १८, जलविद्युत् ५३, अन्य १३, बैंकिङ ३ र माइक्रोफाइनान्स ०.५७, विकास बैंक ५५, होटल तथा पर्यटन ८ र लगानी ०.४९ अंकले बढेका छन् । यस्तै, ब्यापार ३, निर्जीवन बीमा ४०, उत्पादन २६ र जीवन बीमा ९८ अंकले घटेका छन् ।
यस दिन सबैभन्दा धेरै राधी जलविद्युत् कम्पनीको सेयर ६ प्रतिशतले बढेको छ भने सूर्योदय वोमी लघुवित्त कम्पनीको सेशेयर १० प्रतिशतले घटेको छ ।
दुई सय २७ वटा कम्पनीका ३१ लाख ५६ हजार कित्ता सेयर एक अर्ब ३२ करोड ६३ लाख रुपैयाँमा कारोबार भएको छ । सबैभन्दा धेरै अरुण भ्याली हाइड्रोको पाँच करोड ३८ लाख ३० हजार रुपैयाँको सेयर कारोबार भएको छ ।
प्रतिक्रिया