काठमाडौं । सरकारले आइतबार सार्वजनिक बिदा लागू गरेसँगै शुक्रबार कारोबार हुन थालेको सेयर बजारमा पहिलो दिनको कारोबार भने निराशाजनक देखिएको छ ।
शुक्रबार कूल ९३ करोड २२ लाख ६ हजार ८४ रुपैयाँ बराबरको शेयर किनबेच भयो । यो कारोबार औषतभन्दा निकै कम हो । अघिल्लो दिन १ अर्ब ३० करोडको कारोबार भएको तथ्यांक छ ।
नेपाल स्टक एक्सचेञ्जले जेठदेखि शुक्रबार पनि शेयर कारोबार सुरु गरेको हो । जसअनुसार पहिलो शुक्रबार धेरै लगानीकर्ता अन्योल र बिदाको मनस्थितिमा रहँदा कारोबार रकममा भारी गिरावट आएको छ ।
यस दिन २२३ कम्पनीका २५ लाख २४ हजार २६८ कित्ता किनबेच भए भने शेयर बजार परिसूचक नेप्से पनि ओरालो लागेको छ ।
नेप्से १५.८२ अंकले ओरालो लागेर २२३५.०९ बिन्दुमा रोकिएको छ भने समूहगत परिसूचकमध्ये म्युचुअल फन्डबाहेक सबै ओरालो लागेका छन् ।
प्रतिक्रिया