तोलामा ७ सयले घट्यो सुनको मूल्य

आइतबार नेपाली बजारमा सुनको मूल्य घटेको छ ।

नेपाल सुनचाँदी व्यवसायी महासंघका अनुसार आज सुन प्रतितोला ७ सय रुपैयाँले घटेसँगै ९५ हजार १ सय रुपैयाँमा कारोबार भइरहेको छ । त्यस्तै तेजाबी सुनको मूल्य पनि ७ सय रुपैयाँले घटेर प्रतितोला ९४ हजार ६ सय रुपैयाँमा किनबेच भइरहेको छ ।

महासंघका अनुसार आज चाँदीको मूल्य पनि तोलामा १५ रुपैयाँले घटेको छ । आज चाँदी प्रतितोला १ हजार १ सय ६० रुपैयाँमा कारोबार भइरहेको छ ।

आज १० ग्राम छापावाला सुनको मूल्य ८१ हजार ५ सय ३५ रुपैयाँ, १० ग्राम तेजाबी सुनको मूल्य ८१ हजार १ सय ५ रुपैयाँ र १० ग्राम चाँदीको मूल्य ९ हजार ९४ रुपैयाँ ५० पैसा कायम रहेको महासंघले जनाएको छ ।