सोमबार सेयर बजार दोहोरो अंकले बढेको छ । सेयर बजार परिसूचक नेप्से १७.७० अंकले बढेर एक हजार ९०६ विन्दुमा पुगेको छ ।
बैंकिङ ३, विकास बैंक ७६, फाइनान्स ३२, होटल तथा पर्यटन ४७, जलविद्युत् ४३, जीवन बीमा १९४, उत्पादन ९९, निर्जीवन बीमा १२६, ब्यापार २५ र अन्य उपसमूह १४ अंकले बढेको छ ।
यस्तै, माइक्रोफाइनान्स उपसमूह १७ अंकले घटेको छ । आज सुपर मादी हाइड्रोपावर, एशियन हाइड्रोपावर र कालिन्चोक दर्शन लिमिटेडको सेयर १० प्रतिशतले बढेको छ । समग्रमा बजार बढेपनि आज नेशनल माइक्रोफाइनान्सको सेयर १० प्रतिशतले घटेको छ ।
यसदिन २६१ कम्पनीका ४३ लाख ८ हजार कित्ता सेयर एक अर्ब ३८ करोड रुपैयाँमा कारोबार भएको छ ।
प्रतिक्रिया