सोमबार सेयर बजार दोहोरो अंकले घटेको छ । सेयर बजार परिसूचक नेप्से १६.६७ अंकले घटेर एक हजार ८७१.८८ विन्दुमा पुगेको छ ।
बैंकिङ ९, विकास बैंक ३४, फाइनान्स १२, होटल तथा पर्यटन १७, जलविद्युत् ३२, जीवन बीमा ४८, उत्पादन ४५, लघुवित्त ३८, निर्जीवन बीमा १०३ र अन्य उपसमूह ८ अंकले घट्यो । यस्तै, ब्यापार उपसमूह भने २५ अंकले बढ्यो ।
आज सबैभन्दा धेरै एसियन हाइड्रोपावरको सेयर पाँच प्रतिशतले घटेको छ । समग्रमा बजार घटेपनि कालिञ्चोक दर्शन लिमिटेडको सेयर १० प्रतिशतले बढेको छ ।
यस दिन २६० कम्पनीको २८ लाख २९ हजार कित्ता सेयर ९२ करोड दुई लाख रुपैयाँमा कारोबार भएको छ । सबैभन्दा धेरै ग्लोबल आईएमई बैंकको तीन करोड ६२ लाख रुपैयाँको सेयर किनबेच भएको छ ।
प्रतिक्रिया