५ अंकले घटेको सेयर बजारमा ९१ करोडको कारोबार

मंगलबार सेयर बजार सामान्य अंकले घटेको छ । सेयर बजार परिसूचक नेप्से ५.२० अंकले घटेर एक हजार ८६६.६८ विन्दुमा पुगेको छ । 

बैंकिङ ५, जीवन बीमा ८०, उत्पादन ०.७२, निर्जीवन बीमा ११९ र अन्य उपसमूह ४ अंकले घटेको छ । यस्तै, विकास बैंक १०, फाइनान्स २, होटल तथा पर्यटन १७३, जलविद्युत् ४, माइक्रोफाइनान्स ७ र ब्यापार उपसमूह ३ अंकले बढेको छ।

आज सबैभन्दा धेरै सिद्धार्थ प्रिमियर इन्स्योरेन्सको सेयर आठ प्रतिशतले घटेको छ । समग्रमा बजार घटेपनि कालिञ्चोक दर्शन लिमिटेडको सेयर झण्डै १० प्रतिशतले बढेको छ ।

यस दिन २६०४कम्पनीको २९ लाख ७१ हजार कित्ता सेयर ९१ करोड रुपैयाँमा कारोबार भएको छ ।