सामान्य अंकले घट्यो सेयर बजार, ९७ करोडको कारोबार

आइतबार सेयर बजार सामान्य अंकले घटेको छ । सेयर बजार परिसूचक नेप्से २.८० अंकले घटेर एक हजार ९३१.६८ विन्दुमा पुगेको छ । 

बैंकिङ ०.१५, होटल तथा पर्यटन १५५, जीवन बीमा ८ र निर्जीवन बीमा १८ अंकले बढेको छ । यस्तै, विकास बैंक १४, फाइनान्स ८, जलविद्युत् १४, उत्पादन २५, माइक्रोफाइनान्स २३, अन्य ६ र ब्यापार उपसमूह २१ अंकले घटेको छ ।

आज सबैभन्दा धेरै एसियन हाइड्रोपावर कम्पनीको सेयर झन्डै आठ प्रतिशतले घटेको छ । समग्रमा बजार घटेको दिन आज आदर्श लघुवित्त, मोलुङ खोला हाइड्रोपावर र कालिञ्चोक दर्शन लिमिटेडको सेयर १० प्रतिशतले बढेको छ ।

यसदिन २६५ कम्पनीका ३० लाख ५६ हजार कित्ता सेयर ९७ करोड ४५ लाख रुपैयाँमा कारोबार भएको छ । सबैभन्दा धेरै सोल्टी होटलको तीन करोड ८९ लाख र एनआईसी एसिया बैंकको तीन करोड ६४ लाख रुपैयाँको सेयर किनबेच भएको छ ।