मंगलबार सेयर बजार दोहोरो अंकले बढेको छ । सेयर बजार परिसूचक नेप्से १५.१३ अंकले बढेर एक हजार ९२०.१३ विन्दुमा पुगेको छ ।
बैंकिङ ९, विकास बैंक ४४, फाइनान्स १८, होटल तथा पर्यटन १९, जलविद्युत् २२, जीवन बीमा ६३, उत्पादन १५, माइक्रोफाइनान्स ३२, निर्जीवन बीमा ७०, अन्य ६ र ब्यापार उपसमूह २३ अंक बढे ।
आज सबैभन्दा धेरै कालिञ्चोक दर्शन लिमिटेड, मोलुङखोला हाइड्रो र गुराँस लघुवित्तको सेयर १० प्रतिशतले बढेको छ । समग्रमा बजार बढेपनि आज आदर्श लघुवित्तको सेयर १० प्रतिशतले घटेको छ ।
यस दिन २७३ कम्पनीका २५ लाख ७९ हजार कित्ता सेयर ८७ करोड २१ लाख रुपैयाँमा कारोबार भएको छ । सबैभन्दा धेरै नबिल बैंकको तीन करोड ६६ लाख रुपैयाँको सेयर किनबेच भएको छ ।
प्रतिक्रिया