बिहिबार सेयर बजार सामान्य अंकले घटेको छ । सेयर बजार परिसूचक नेप्से २.२७ अंकले घटेर एक हजार ८८९.७३ विन्दुमा पुगेको छ ।
विकास बैंक ५, फाइनान्स ८, जलविद्युत् ६, जीवन बीमा १३, उत्पादन ५६, माइक्रोफाइनान्स १९, निर्जीवन बीमा ११, अन्य ९ र ब्यापार उपसमूह ०.९ अंकले घटेको छ । यस्तै, बैंकिङ २.९ र होटल तथा पर्यटन उपसमूह ६४ अंक बढेको छ ।
आज सबैभन्दा धेरै युनिलिभर नेपाल सेयर ५.७ प्रतिशतले घटेको छ । समग्रमा बजार घटे पनि तेह्रथुम पावरको सेयर ५ प्रतिशतले बढेको छ ।
यस दिन २६९ कम्पनीको २१ लाख कित्ता सेयर ७३ करोड ९६ लाख रुपैयाँमा कारोबार भएको छ ।
प्रतिक्रिया