मंगलबार सेयर बजार दोहोरो अंकले बढेको छ । सेयर बजार परिसूचक नेप्से १०.६६ अंकले बढेर एक हजार ८४४.३६ विन्दुमा पुगेको छ ।
बैंकिङ ३, विकास बैंक २८, फाइनान्स ७, होटल तथा पर्यटन ६५, जलविद्युत् २४, जीवन बीमा ७५, उत्पादन ५८, माइक्रोफाइनान्स १०, निर्जीवन बीमा १०, अन्य ३ र व्यापार उपसमूह २ अंक बढेको छ ।
आज सबैभन्दा धेरै पिपुल्स पावर कम्पनीको सेयर साढे छ प्रतिशतले बढेको छ । समग्रमा बजार बढे पनि युनिक नेपाल लघुवित्तको सेयर साढे आठ प्रतिशतभन्दा धेरैले घटेको छ ।
यस दिन २६९ कम्पनीको २८ लाख ३६ हजार कित्ता सेयर ७७ करोड ४७ लाख रुपैयाँमा कारोबार भएको छ । सबैभन्दा धेरै हिमाल दोलखा हाइड्रोपावर कम्पनीको छ करोड ९६ लाख रुपैयाँको सेयर किनबेच भएको छ ।
प्रतिक्रिया