आज पनि घट्यो सेयर बजार, ५७ करोडको कारोबार

बिहिबार सेयर बजार सामान्य अंकले घटेको छ। सेयर बजार परिसूचक नेप्से ३.३४ अंकले घटेर एक हजार ८३८.५९ विन्दुमा पुगेको छ । 

विकास बैंक १६, फाइनान्स १०, होटल तथा पर्यटन ७, जलविद्युत् ९, उत्पादन ०.०६, माइक्रोफाइनान्स १८, निर्जीवन बीमा २६, अन्य ४ र व्यापार उपसमूह ११ अंक घटेको छ । यस्तै, बैंकिङ ०.६२ र जीवन बीमा १ अंकले बढेको छ ।

आज सबैभन्दा धेरै फरवार्ड माइक्रोफाइनान्स लघुवित्तको सेयर ६ प्रतिशतले घटेको छ । समग्रमा बजार घटे पनि आत्मनिर्भर लघुवित्तको सेयर ६ प्रतिशतभन्दा धेरैले बढेको छ ।

यस दिन २५० कम्पनीको २१ लाख कित्ता सेयर ५७ करोड ८८ लाख रुपैयाँमा कारोबार भएको छ । सबैभन्दा धेरै नेपाल दूरसञ्चार कम्पनीको तीन करोड १५ लाख रुपैयाँ बराबरको सेयर किनबेच भएको छ ।