दोहोरो अंकले घट्यो सेयर बजार, एक अर्ब ९७ करोडको कारोबार

सोमबार सेयर बजार दोहोरो अंकले घटेको छ । सेयर बजार परिसूचक नेप्से १७.३८ अंकले घटेर एक हजार ९०१.९९ विन्दुमा पुगेको छ । 

बैंकिङ ९, विकास बैंक ५०, फाइनान्स १७, होटल तथा पर्यटन ३२, जलविद्युत ११, जीवन बीमा १२४, उत्पादन १२१, माइक्रोफाइनान्स १८, निर्जीवन बीमा ५७, अन्य २० र ब्यापार उपसमूह ३६ अंकले घटेको छ ।

आज सबैभन्दा धेरै शिवम् सिमेन्टको सेयर साढे चार प्रतिशतले घटेको छ । समग्रमा बजार घटे पनि आज रिभर फल्स पावरको सेयर १० प्रतिशतले बढेको छ ।

यस दिन २७७ कम्पनीका ५६ लाख २० हजार कित्ता सेयर एक अर्ब ९७ करोड रुपैयाँमा कारोबार भएको छ ।