सोमबार सेयर बजार दोहोरो अंकले बढेको छ । सेयर बजार परिसूचक नेप्से ११.६९ अंकले बढेर दुई हजार १२९.४२ विन्दुमा पुगेको छ ।
बैंकिङ ८, विकास बैंक २४, फाइनान्स ४६, होटल तथा पर्यटन ५७, उत्पादन २८ र माइक्रोफाइनान्स १५१ अंकले बढेको छ । यस्तै, जलविद्युत् ११ । जीवन बीमा ९, निर्जीवन बीमा ११२, अन्य ८ र ब्यापार उपसमूह ६ अंकले घटेको छ ।
आज सबैभन्दा धेरै हिमालय लाइफ इन्स्योरेन्स, बीपीडब्ल्यू लघुवित्त, सिटी होटल र सिभिल लघुवित्त कम्पनीको सेयर १० प्रतिशतले बढेको छ । समग्रमा बजार बढेपनि आज सुपर मादी हाइड्रोपावर कम्पनीको सेयर झन्डै सात प्रतिशतले घटेको छ ।
यस दिन २७९ कम्पनीका एक करोड १९ लाख कित्ता सेयर पाँच अर्ब ३१ करोड रुपैयाँमा कारोबार भएको छ । सबैभन्दा धेरै शिवम् सिमेन्टको ४२ करोड रुपैयाँको सेयर किनबेच भएको छ ।
प्रतिक्रिया