दोहोरो अंकले बढ्यो सेयर बजार, दुई अर्ब ३७ करोडको कारोबार

आइतबार सेयर बजार दोहोरो अंकले बढेको छ । सेयर बजार परिसूचक नेप्से १२.१६ अंकले बढेर दुई हजार ०९७.९७ विन्दुमा पुगेको छ । 

बैंकिङ १६, विकास बैंक २०, उत्पादन २४, माइक्रोफाइनान्स ३९, निर्जीवन बीमा १०७ र अन्य ६ अंकले बढेको छ । यस्तै, फाइनान्स २, जलविद्युत् १७, जीवन बीमा ६, व्यापार उपसमूह ४ र होटल तथा पर्यटन उपसमूह १२ अंकले घटेको छ ।

आज सनराइज फोकस्ड इक्युटी फन्डको सेयर १० प्रतिशतले बढेको छ । समग्रमा बजार बढे पनि लिबर्टी इनर्जी कम्पनी र मकर जितुमाया सुरी हाइड्रोपावर कम्पनीको सेयर झन्डै छ प्रतिशतले घटेको छ ।

यसदिन २८६ कम्पनीका ७१ लाख ८४ हजार कित्ता सेयर दुई अर्ब ३७ करोड रुपैयाँमा कारोबार भएको छ । सबैभन्दा धेरै शिवम् सिमन्टको १९ करोड १३ लाख रुपैयाँको सेयर कारोबार भएको छ ।