सेयर बजार राताम्मे, २८ अंकले घट्यो नेप्से

मंगलबार सेयर बजार राताम्मे भएको छ । सेयर बजार परिसूचक नेप्से २८.५९ अंकले घटेर दुई हजार ०७७.५८ विन्दुमा पुगेको छ । 

बैंकिङ १२, विकास बैंक ७६, फाइनान्स ४५, होटल तथा पर्यटन १२३, जलविद्युत् २९, जीवन बीमा २२२, उत्पादन ७६, माइक्रोफाइनान्स ५४, निर्जीवन बीमा २७४, अन्य १५ र व्यापार उपसमूह ४४ अंकले घटेको छ ।

आज सबैभन्दा धेरै किसान लघुवित्तको सेयर साढे ६ प्रतिशतले घटेको छ । समग्र बजार घटेपनि सुपर मादि हाइड्रोपावरको सेयर साढे ४ प्रतिशतले बढेको छ ।

यसदिन २६२ कम्पनीको ६० लाख कित्ता सेयर एक अर्ब ९२ करोड रुपैयाँमा कारोबार भएको छ।