मीन बहादुर गुरुङ २ करोड ४६ लाख धरौटीमा छुट्ने

काठमाडौं । जिल्ला अदालत काठमाडौंले बालुवाटारस्थित ललितानिवासको सरकारी जग्गा हिनामिना प्रकरणमा भाटभटेनी सुपरमार्केटका सञ्चालक मीनबहादुर गुरुङसँग २ करोड ४६ लाख रुपैयाँ धरौटी माग गरेको छ ।

गुरुङसहित सबै प्रतिवादीहरु धरौटीमा रिहा हुने भएका छन् । अदालतको आदेशअनुसार १७ अभियुक्तलाई धरौटीमा रिहा गर्न आदेश दिइएको छ ।

प्रतिवादी केशव दुलाललाई भने साधारण तारेखमा छाड्ने आदेश दिइएको छ ।

आइतबार काठमाडौं जिल्ला अदालतले उनीहरूलाई धरौटीमा रिहा गर्न आदेश दिएको हो ।

न्यायाधीश भोलानाथ ढकालको १३ नम्बर इजलासमा सात दिन लामो थुनछेक बहसपछि यस्तो आदेश दिइएको अदालत प्रशासनले जनाएको छ ।