सोमबार सेयर बजार सामान्य अंकले घटेको छ । सेयर बजार परिसूचक नेप्से ५.८९ अंकले घटेर दुई हजार ००४.४५ विन्दुमा पुगेको छ ।
बैंकिङ ४, विकास बैंक ४, फाइनान्स १, होटल तथा पर्यटन ३४, जीवन बीमा ७९, उत्पादन तथा प्रशोधन २३, माइक्रोफाइनान्स २२, निर्जीवन बीमा ५५, अन्य ३ र व्यापार उपसमूह ६ अंकले घटेको छ । यस्तै, जलविद्युत् उपसमूह भने १९ अंकले बढेको छ ।
आज सबैभन्दा धेरै शुभम पावर कम्पनी र थ्री स्टार हाइड्रोपावरको सेयर १० प्रतिशतले घटेको छ । समग्रमा बजार घटे पनि आज माइखोला हाइड्रोपावर, एसियन हाइड्रोपावर, मन्दाकिनी हाइड्रोपावर, इस्टर्न हाइड्रोपावर, हिमालयन लघुवित्त र हिमालय ऊर्जा विकासको मूल्य १० प्रतिशतले बढेको छ ।
यसदिन २८४ कम्पनीको ६५ लाख १६ हजार कित्ता सेयर एक अर्ब ५६ करोड रुपैयाँमा कारोबार भएको छ ।
प्रतिक्रिया