मंगलबार सेयर बजार दोहोरो अंकले बढेको छ । सेयर बजार परिसूचक नेप्से १८.४५ अंकले बढेर दुई हजार ०२२.९१ विन्दुमा पुगेको छ ।
बैंकिङ २, विकास बैंक १९, फाइनान्स २५, जलविद्युत् ६६, जीवन बीमा १३४, उत्पादन २०, माइक्रोफाइनान्स ४३, निर्जीवन बीमा ५९ र अन्य उपसमूह १२ अंकले बढेको छ । यस्तै, होटल तथा पर्यटन उपसमूह भने १० अंकले घटेको छ ।
आज सबैभन्दा धेरै मेन्छियाम हाइड्रो, मनकामना इन्जिनियरिङ, शुभम पावर, मोलुङ हाइड्रोपावर र स्वाभिमान लघुवित्तको सेयर १० प्रतिशतले बढेको छ । समग्रमा बजार बढे पनि आज हिमालयन लघुवित्तको सेयर झण्डै ६ प्रतिशतले घटेको छ ।
यसदिन २८६ कम्पनीको ८७ लाख ४ हजार कित्ता सेयर दुई अर्ब ९ करोड रुपैयाँमा कारोबार भएको छ ।
प्रतिक्रिया