४ अंकले घट्यो सेयर बजार, ९७ करोडको कारोबार

बिहिबार सेयर बजार सामान्य अंकले घटेको छ। सेयर बजार परिसूचक नेप्से ४.०५ अंकले घटेर एक हजार ९०३.८४ विन्दुमा पुगेको छ ।

विकास बैंक ९, फाइनान्स १५, जलविद्युत् १९, जीवन बीमा ३४, उत्पादन ०.२८, माइक्रोफाइनान्स १३, ब्यापार ०.१६, निर्जीवन बीमा ४२ र होटल तथा पर्यटन उपसमूह १५ अंकले घटेको छ छ । यस्तै, बैंकिङ १ र अन्य उपसमूह ०.३८ अंकले बढेको छ ।

आज सबैभन्दा धेरै अपर सोलु हाइड्रोपावरको सेयर ८ प्रतिशत भन्दा धेरैले घटेको छ । समग्रमा बजार घटे सिटिजन्स म्यूचुअल फन्ड २ को सेयर झण्ढै ६ प्रतिशतले बढेको छ ।

यस दिन २८४ कम्पनीको ३७ लाख ६६ हजार कित्ता सेयर ९७ करोड रुपैयाँमा कारोबार भएको छ ।