सेयर बजारमा हरियाली, नेप्से २१ अंकले बढ्यो

सोमबार सेयर बजारमा हरियाली छाएको छ। सेयर बजार परिसूचक नेप्से २१.३० अंकले बढेर एक हजार ८४७.५४ विन्दुमा पुगेको छ ।

बैंकिङ ६, विकास बैंक ४२, फाइनान्स १३, होटल तथा पर्यटन १८१, जलविद्युत् २५, जीवन बीमा ११३, माइक्रोफाइनान्स ९, उत्पादन ६६, निर्जीवन बीमा २२१, व्यापार उपसमूह ६९ र अन्य उपसमहू २६ अंकले बढेको छ ।

आज सबैभन्दा धेरै हाथवे इन्भेस्टमेन्ट नेपालको सेयर १० प्रतिशतले बढेको छ । समग्रमा बजार बढे पनि आज लक्ष्मी लघुवित्त र विन नेपाल लघुवित्तको सेयर चार प्रतिशतले घटेको छ ।

यसदिन २८३ कम्पनीको ३५ लाख ५५ हजार कित्ता सेयर ९३ करोड ८९ लाख रुपैयाँमा कारोबार भएको छ । सबैभन्दा धेरै सोल्टी होटलको छ करोड ४३ लाख र सोनापुर मिनरल्स एन्ड आयल कम्पनीको पाँच करोड ६२ लाख रुपैयाँको सेयर किनबेच भएको छ ।