बुधबार सेयर बजारमा सामान्य वृद्धि भएको छ । सेयर बजार परिसूचक नेप्से ३.३३ अंकले बढेर एक हजार ८४१.०४ विन्दुमा पुगेको छ ।
विकास बैंक ३, माइक्रोफाइनान्स १६, निर्जीवन बीमा ७८, जीवन बीमा उपसमूह १२५, अन्य ६ र ब्यापार उपसमूह ११ अंकले बढेको छ । त्यस्तै, बैंकिङ १, फाइनान्स ३, होटल तथा पर्यटन १९, जलविद्युत् १ र उत्पादन उपसमूह ३३ घटेको छ ।
आज सबैभन्दा धेरै ग्लोबल आइएमइ लघुवित्तको सेयर १० प्रतिशतले बढेरको छ । समग्रमा बजार बढे पनि आज सिंगटी हाइड्रोको सेयर नौ प्रतिशत भन्दा धेरैले घटेको छ ।
यस दिन २९३ कम्पनीको ३७ लाख ५५ हजार कित्ता सेयर एक अर्ब १४ करोड रुपैयाँमा भएको छ । आज सबैभन्दा धेरै रिलायवल नेपाल लाइफ इन्स्योरेन्सको सात करोड ३४ लाख रुपैयाँको सेयर किनबेच भएको छ ।
प्रतिक्रिया