बिहिबार सेयर बजारमा दोहोरो अंकले बढेको छ । सेयर बजार परिसूचक नेप्से ११.७३ अंकले बढेर एक हजार ८५२.७७ विन्दुमा पुगेको छ ।
बैंकिङ ६, विकास बैंक २०, फाइनान्स ११, होटल तथा पर्यटन ३२, जलविद्युत् २०, जीवन बीमा ८, माइक्रोफाइनान्स २, निर्जीवन बीमा २०९, उत्पादन ३१ र अन्य उपसमहू १ अंकले बढेको छ । यस्तै, आज व्यापार उपसमूह १३ अंकले घटेको छ ।
आज सबैभन्दा धेरै त्रिशूली जलविद्युत् कम्पनीको सेयर १० प्रतिशतले बढेको छ । समग्रमा बजार बढे पनि आज ग्लोबल आईएमई लघुवित्तको सेयर साढे ७ प्रतिशतभन्दा धेरैले घटेको छ ।
यसदिन २९९ कम्पनीको ९५ लाख कित्ता सेयर २ अर्ब ७९ करोड रुपैयाँमा कारोबार भएको छ । सबैभन्दा धेरै नेपाल रिइन्सुरेन्स कम्पनीको ८६ करोड ८३ लाख रुपैयाँको सेयर किनबेच भएको छ ।
प्रतिक्रिया