बुधबार सेयर बजार परिसूचक नेप्से १.९३ अंकले घटेर दुई हजार ०६८.९० विन्दुमा पुगेको छ ।
बैंकिङ ६, विकास बैंक २९, फाइनान्स ५, माइक्रोफाइनान्स ८, व्यापार उपसमूह ४९, जलविद्युत् ६ र जीवन बीमा उपसमूह ४२ अंकले घटेको छ । त्यस्तै, अन्य १ निर्जीवन बीमा २६, होटल तथा पर्यटन ६३ र उत्पादन उपसमूह ७५ अंकले बढेको छ ।
आज सबैभन्दा धेरै वीपीडब्ल्यू लघुवित्त र धौलागिरि लघुवित्तको सेयर १० प्रतिशतले घटेको छ । समग्रमा बजार घटे पनि भिजन लुम्बिनी ऊर्जा कम्पनी, चिरख्वा हाइड्रोपावर, हाथवे इन्भेस्टमेन्ट नेपाल, मनकामना इन्जिनियरिङ कम्पनी र मुक्तिनाथ कृषि कम्पनीको सेयर १० प्रतिशतले बढेको छ ।
यस दिन ३०३ कम्पनीको एक करोड १६ लाख कित्ता सेयर ४ अर्ब २९ करोड रुपैयाँमा कारोबार भएको छ ।सबैभन्दा धेरै सोनापुर मिनरल्स एण्ड आयल कम्पनीको १४ करोड ३८ लाख रुपैयाँको सेयर किनबेच भएको छ ।
प्रतिक्रिया