२६ अंकले घट्यो सेयर बजार, ५ अर्ब २४ करोडको कारोबार

आइतबार सेयर बजार परिसूचक नेप्से २६.३६ अंकले घटेर दुई हजार ०२२.९२ विन्दुमा पुगेको छ ।

बैंकिङ १.८, विकास बैंक १.१, फाइनान्स १.३, लगानी १.९, जीवन बीमा २.४, उत्पादन १.६, माइक्रोफाइनान्स ०.४, निर्जीवन बीमा १.६, अन्य १.८ र ब्यापार समूह २.१ प्रतिशतले घटेको छ । यस्तै, हाइड्रोपावर समूह १.०३ प्रतिशत बढेको छ ।

आज सबैभन्दा धेरै मानुषी लघुवित्तको सेयर छ प्रतिशतभन्दा धेरैले घटेको छ । समग्रमा बजार घटे पनि आज तेह्रथुम पावर कम्पनीको शेसेयरमा १० प्रतिशतले बढेको छ ।

यसदिन ३०४ कम्पनीको एक करोड ५२ लाख कित्ता सेयर पाँच अर्ब २४ करोड रुपैयाँमा कारोबार भएको छ । सबैभन्दा धेरै सोनापुर मिनरल्स एन्ड आयल कम्पनीको २८ करोड रुपैयाँको सेयर किनबेच भएको छ ।