सेयर बजारमा झिनो अंकको गिरावट, २ अर्बको कारोबार

बुधबार सेयर बजार परिसूचक नेप्से झिनो अंकले घटेको छ । नेप्से ०.८७ अंकले घटेर दुई हजार विन्दुमा पुगेको छ ।

बैंकिङ ७, विकास बैंक ४३, हाइड्रोपावर २१, निर्जीवन बीमा ३७, माइक्रोफाइनान्स ५, जीवन बीमा ५१ र फाइनान्स उपसमूह १७ अंकले घटेको छ । त्यस्तै, ब्यापार १५०, उत्पादन ३१७, होटल तथा पर्यटन २ र अन्य उपसमूह २ अंकले बढेको छ ।

आज सामलिङ पावर कम्पनीको सेयर सबैभन्दा धेरै ६.६६ प्रतिशतले घटेको छ । समग्रमा बजार घटे पनि आज बिसाल बजार, बोटलर्स नेपाल बालाजु र बोटलर्स नेपाल तराईको सेयर १० प्रतिशतले बढेको छ ।

यस दिन ३०८ कम्पनीको ५१ लाख कित्ता सेयर २ अर्ब ३ करोडमा कारोबार भएको छ ।