काठमाडौं । सेयर बजारमा मंगलबार ५८.५८ अंकको वृद्धिसँगै पाँँच लघुवित्त कम्पनीको सेयरमूल्य १० प्रतिशतले बढेको छ ।
बजार परिसूचक नेप्से २१११.२४ बिन्दुमा पुगेको छ ।
मंगलबारको कारोबारमा जनउत्थान सामुदायिक लघुवित्त, उन्नति सहकार्य लघुवित्त, विन नेपाल लघुवित्त, स्वाभिमान लघुवित्त र जाल्पा सामुदायिक लघुवित्तको सेयर मूल्य १० प्रतिशतले बढेको छ ।
यस्तै, उच्च मूल्यवृद्धि हुने कम्पनीमा सपोर्ट माइक्रोफाइनान्स, नाडेप लघुवित्त, अभियान लघुवित्त तथा ग्लोबल आइएमई लघुवित्त रहेका छन् ।
मंगलबारको कारोबारमा समग्र लघुवित्तको प्रतिविम्ब झल्काउने लघुवित्त सबइन्डेक्स पनि ५.०५ प्रतिशतले बढेर ३९२७.४२ बिन्दुमा पुगेको छ ।
प्रतिक्रिया