सेयर बजारमा ९ अंकको वृद्धि, ४ अर्बको कारोबार

काठमाडौँ । मंगलबार सेयर बजार परिसूचक नेप्से ९.१९ अंकले बढेर दुई हजार ०३६.०१ विन्दुमा पुगेको छ ।

बैंकिङ ३, विकास बैंक २७, फाइनान्स ५६, हाइड्रोपावर १८, जीवन बीमा ५०, निर्जीवन बीमा १०५, अन्य ४० र ब्यापार उपसमूह ११ अंकले बढेको छ । त्यस्तै, उत्पादन १००, माइक्रोफाइनान्स ४६ र होटल तथा पर्यटन उपसमूह ३५ अंकले घटेको छ ।

आज सबैभन्दा धेरै जानकी फाइनान्सको सेयर १० प्रतिशतले बढेको छ । त्यस्तै, नेपाल फाइनान्स र पोखरा फाइनान्सको सेयर पनि ९.९९ अंकले बढेको छ । समग्रमा बजार बढेपनि आज विन नेपाल लघुवित्तको सेयर १० प्रतिशतले घटेको छ ।

यस दिन ३१५ कम्पनीको ९७ लाख कित्ता सेयर ४ अर्ब १४ करोडमा कारोबार भएको छ ।