काठमाडौँ । मंगलबार सेयर बजार परिसूचक नेप्से २५.९३ अंकले बढेर दुई हजार विन्दुमाथि पुगेको छ ।
आज बैंकिङ ११, विकास बैंक १९६, होटल तथा पर्यटन १२५, हाइड्रोपावर ३८, उत्पादन २३, माइक्रोफाइनान्स ५६, अन्य ४, जीवन बीमा ९६, निर्जीवन बीमा २४५ र ब्यापार उपसमूह २० अंकले बढेको छ । त्यस्तै, आज फाइनान्स उपसमूह भने २६ अंकले घटेको छ ।
आज सबैभन्दा धेरै कर्पोरेट डेभलपमेन्ट बैंक र इन्फिनीटी लघुवित्तको सेयर १० प्रतिशतले बढेको छ । समग्रमा बजार बढेपनि आज पोखरा फाइनान्सको सेयर ७ प्रतिशत भन्दा धेरैले घटेको छ ।
यस दिन ३२० कम्पनीको ११ लाख कित्ता सेयर ४ अर्ब ८० करोडमा कारोबार भएको छ ।
प्रतिक्रिया