सेयर बजारमा हरियाली, ४५ अंकले बढ्यो नेप्से

काठमाडौँ । आइतबार सेयर बजार परिसूचक नेप्से ४५.६९ अंकले बढेर दुई हजार ६४.४५ विन्दुमा पुगेको छ । आज बीमा, बैंकिङ र उत्पादन समूहको सेयर उच्च अंकले बढेको छ ।

नेपाल राष्ट्र बैंकले शुक्रबार मौद्रिक नीतिको तेस्रो त्रैमासको समीक्षामा लचिलो नीति लिएपछि त्यसको प्रभाव शेयर बजारमा पनि देखिएको छ ।

आत्मनिर्भर लघुवित्त, सबैको लघुवित्त, सामुदायिक लघुवित्त रेरुडे मिर्मिरे लघुवित्त कम्पनीको शेयर १० प्रतिशतले बढेको छ ।

आज ३२३ कम्पनीको १ करोड २२ लाख कित्ता सेयर ५ अर्ब २५ करोड १० लाख रुपैयाँमा कारोबार भएको छ ।