दोहोरो अंकले बढेको सेयर बजारमा ६६ करोडको कारोबार

मंगलबार सेयर बजार दोहोरो अंकले बढेको छ । सेयर बजार परिसूचक नेप्से १५.९२ अंकले बढेर एक हजार ८३१.०५ विन्दुमा पुगेको छ ।

आज होटल तथा पर्यटन र म्यूचूअल फन्ड बाहेक सबै उपसमूहमा हरियाली छाएको छ । सबैभन्दा धेरै विकास बैंक समूह ५१ अंकले बढेको छ ।

यस दिन सामुदायीक लघुवित्त वित्तिय संस्थाको सेयर ९ प्रतिशत भन्दा धेरैले बढेको छ । समग्रमा बजार बढे पनि गरिमा डिबेन्चर २०८५ को सेयर भने १० प्रतिशतले घटेको छ ।

यस दिन २२९ कम्पनीको २१ लाख कित्ता सेयर ६६ करोड रुपैयाँमा कारोबार भएको छ । सबैभन्दा धेरै रिडी हाइड्रोको दुई करोड ८५ लाख रुपैयाँको सेयर किनबेच भएको छ ।