१३ अंकले बढ्यो नेप्से, एक अर्बको कारोबार

साताको कारोबारको अन्तिम दिन शुक्रबार सेयर बजार दोहोरो अंकले उकालो लागेको छ । सेयर बजार परिसूचक नेप्से १३.७८ अङ्कले बढेर एक हजार ८६२.०६ बिन्दुमा पुगेको छ ।

आज बैंकिङ २, विकास बैंक ५७, फाइनान्स २४, होटल तथा पर्यटन २६, जलविद्युत् २४, लगानी १.२६, जीवन बीमा १३१, उत्पादन २९, माइक्रोफाइनान्स ३१, निर्जीवन बीमा १२८, अन्य १२ र ब्यापार उपसमूह ३ अंकले बढेको छ ।

आज न्यादी जलविद्युतको सेयर १० प्रतिशतले बढेको छ भने आधिखोला लघुबित्त बित्तीय संस्थाको सेयर ७ प्रतिशत भन्दा धेरैले घटेको छ ।

आज २२३ कम्पनीको ३५ लाख कित्ता सेयर एक अर्ब १५ करोड रुपैयाँमा कारोबार भएको छ । सबैभन्दा धेरै कुमारी बैंकको आठ करोड ६३ लाख रुपैयाँको सेयर किनबेच भयो ।