सोमबार सेयर बजार दोहोरो अंकले घटेको छ। सेयर बजार परिसूचक नेप्से १७.६८ अङ्कले घटेर २ हजार १०६.१५ विन्दुमा झरेको छ ।
जलविद्युत् २६, माइक्रोफाइनान्स १७, ब्यापार ११, बैंकिङ ५, विकास बैंक ५२, फाइनान्स २४, होटल तथा पर्यटन ४६, जीवन बीमा १०१, निर्जीवन बीमा ३६ र अन्य उपसमूह ३८ अंकले घटेको छ। यस्तै, उत्पादन ५ र म्यूचुहल फन्ड ०.०४ अंकले बढेको छ ।
आज समग्रमा बजार ओरालो लागे पनि गुँरास लघुवित्त वित्तिय संस्था र हिमालयन हाइड्रोपावरको सेयर १० प्रतिशतले बढेको छ । यस्तै, सबैभन्दा धेरै जानकी फाइनान्सको सेयर ४ प्रतिशतले घटेको छ ।
यस दिन २१४ कम्पनीको ६५ लाख कित्ता सेयर दुई अर्ब ८५ करोड रुपैयाँमा कारोबार भएको छ । सबैभन्दा धेरै शिवम् सिमेन्ट्सको २० करोड ७१ लाख रुपैयाँको सेयर किनबेच भयो ।
प्रतिक्रिया