सेयर बजारमा झण्डै २२ अंकको पहिरो, सबै समूह राताम्मे

बुधबार सेयर बजार राताम्मे भएको छ । सेयर बजार परिसूचक नेप्से २१.९७ अङ्कले घटेर एक हजार ९७३.३८ विन्दुमा झरेको छ ।

बैंकिङ ७, विकास बैंक ६५, फाइनान्स ४०, होटल तथा पर्यटन ३६, जलविद्युत् ४९, जीवन बीमा १३७, उत्पादन ५०, माइक्रोफाइनान्स ६६, निर्जीवन बीमा ४८, अन्य १६ र ब्यापार २६ अंकले घटेको छ ।

आज हिमालयन पावर पार्टनरको सेयर झन्डै सात प्रतिशतले घटेको छ । समग्रमा बजार घटे पनि आज आरबीबी म्युचल फन्ड १ र नेपाल इन्भेस्टमेन्ट बैंकको डिबेन्चर झन्डै दुई प्रतिशतले बढेको छ ।

यसदिन २२४ कम्पनीको २९ लाख ९२ हजार कित्ता सेयर एक अर्ब १२ करोड रुपैयाँमा कारोबार भएको छ । सबैभन्दा धेरै नेपाल दूरसञ्चार कम्पनीको १० करोड रुपैयाँको सेयर किनबेच भयो ।