३.९० अंकले घट्यो सेयर बजार, कारोबारमा पनि गिरावट

काठमाडौं । मंगलबार सेयर बजार परिसूचक नेप्से ३.९० अंकले घटेर दुई हजार ६५४.७५ विन्दुमा पुगेको छ ।



बैंकिङ ६, विकास बैंक ११, फाइनान्स ११, होटल तथा पर्यटन ११४, जीवन बीमा ६१, उत्पादन १०, निर्जीवन बीमा १० र अन्य उपसमूह ३ अंकले घटेको छ ।
त्यस्तै, हाइड्रोपावर ९, माइक्रोफाइनान्स ५१,र व्यापार उपसमूह ५ अंकले बढेको छ । 




आज गार्डीयन माइक्रो लाइफको सेयर सबैभन्दा धेरै ४.६२ प्रतिशतले घटेको छ । समग्रमा बजार घटेपनि आज प्योर इनर्जीको सेयर ९.९९ प्रतिशतले बढेको छ ।






यस दिन ३०६ कम्पनीको एक करोड ६४ लाख कित्ता सेयर ७ अर्ब ६५ करोडमा कारोबार भएको छ ।